Ембілік мұнайшы – Қазақстан чемпионы

«Ембімұнайэнерго» басқармасының электр монтаждау учаскесінің 5-разрядты электромонтері Марат Оразалиев Ақтөбе қаласында өткен триатлоннан Қазақстан чемпионатында алтыннан алқа тағынды.

Аймақтық апталық «Диапазон» газетінің 25 жылдығына орай ұйымдастырылған байрақты бәсекеге еліміздің түкпірінен 150 шақты спортшы қатысты. Олардың қатарында Нұр-Сұлтан, Алматы, Алакөл, Орал, Ақтау, Атырау және тағы басқа өңірлерден қатысушылар болды.

Жарыс шарты бойынша 1 500 шақырым қашықтыққа – жүзу, 40 шақырым қашықтыққа – веложарыс, 10 шақырым қашықтыққа – жүгіруден мәреге 2 сағат 9 минутта жеткен Марат қарсыластарының барлығын шаң қаптырып кетті. Кейінгі орын алған ақтөбелік спортшы ізін қуып, тек 18 минуттан кейін мәре сызығын кесе алды. Үшінші орын Нұр-Сұлтан қаласының спортшысына бұйырды.

«Алда үлкен жарыстар күтіп тұр. 15 тамызда Нұр-Сұлтан қаласында Ironman Astana әлем чемпионаты өтеді. Ақтөбеде өткен бұл дода – осы әлемдік жарыс қарсаңындағы үлкен жаттығу болды», – дейді Марат Оразалиев.